Урматтуу кардарлар, сиздердин  ыңгайыңыздар үчүн бул баракчада  COVID-19 пандемиясы убагында банк кызматтарына жеткиликтүүлүк боюнча бардык маанилүү малыматтар топтолду.

Өзгөчө кырдаал учурунда Бакай Банктын иштөө тартиби

Дүйшөмбүдөн жума кунгө чейин, 9:00 – 15:00 (Караколдогу филиал: 9:00 – 13:00)

Банктын айрым бөлүмдөрү жабык. Ачык бөлүмдөрдүн актуалдуу жана дайыма толукталып турган тизмесин   бул шилтемеден тапсаңыз болот.

Жеткиликтүү кызматтар

Банк бардык кызматтарды көрсөтүүдө: мурдагыдай эле карт кызматтары, салымдар, эсеп ачуу, чет өлкөлөргө жана Кыргызстан ичинде акча которуулар.

Банктын кеңселеринде кызматкерлердин саны убактылуу кыскарганына байланыштуу кызматтарды көрсөтүү убактысы адаттагыдан узагыраак болушу ыктымал. Бул убактылуу өзгөрүүгө түшүнүү менен мамиле кылууну өтүнөбүз.  

2020-жылдын июнуна чейин айып пул жана туумдар жөнүндө

КР Улуттук Банкынын Башкармасы тарабынан 2020-жылдын 18-мартында «Коронавирус пандемиясына байланыштуу финансылык-кредиттик уюмдардын ишмердигин жөнгө салууда убактылуу эрежелер жөнүндө» токтом кабыл алынган. Аталган токтом менен төмөнкүлөргө тыюу салынат:

• Кредиттик келишимдердин шарттарын кайра карап чыгууга байланыштуу комиссиялык жана башка төлөмдөрдү жазып берүу жана кармап калууга;  
• Займчылардын кредиттик келишимдерде көрсөтүлгөн милдеттердин аткарбагандыгы/тийиштүү деңгээлде аткарбагандыгы үчүн айып санкцияларын, айып пул салуу, кармап калууга тыюу салынат;

Айып салынбагандыгы боюнча кат түрүндө билдирмени банктан алуунун кажети жок.

КР УБдун токтому менен 2020-жылдын 30-июнуна чейин айып пул жана туум алынып салынды.

Керектөөчү кредиттерди реструктуризациялоо

Банк COVID-19 пандемиясына байланыштуу чектөөлөрдүн айынан кредитти мурдагы шарттар менен төлөй албай калган займчылардын керектөөчү кредиттерин жеке тартипте реструктуризация кылат.

Өз кредитиңиздин шарттарын өзгөртүү үчүн банкка арыз жазыңыз. Бул ишти колдон келишинче банкка келбестен аткарганыңыз дурус.

Эгер мурдагы шарттар объективдүү себептер менен сизге ылайыксыз болсо кредитти реструктуризация кылуу боюнча арыз жазыңыз.

1. Арыздын үлгүсүн  бул шилтемеден көчүрүп алыңыз.Кагазга чыгарып (же кол менен жазып) толтуруңуз. Өзүңүздүн кызматыңызды жана иш жериңизди сөзсүз көрсөтүңүз.
2. Арыздын сүрөтүн Watsapp: +996 554 006 111 номуруна жөнөтүңүз.

Корпоративдик кредиттерди, орто жана чакан бизнес үчүн кредиттерди реструктуризациялоо

COVID-19 пандемиясынан жабыр тарткан бизнес да реструктуризация үчүн банкка кайрыла алат. Бул үчүн өз кредиттик экспертиңиз менен байланышууңуз керек.

Эгер сиз өзүңүздүн кредиттик экспертиңиздин телефон номурун билбесеңиз, Банктын күнү-түнү иштеген контакт-борбору менен 6111 номуру (мобилдик телефондордон) же  WhatsApp аркылуу +996 554 006 111 байланышсаңыз болот.

Кредиттер боюнча төлөм жүргүзүү

Кредитти Банктын бөлүмүнө келбестен төлөсө болот:      

• Bakai24 жана Bakai Mobile тиркемесиндеги “Өз эсептер арасында которуулар” бөлүмү аркылуу жүргүзсө болот.
• Pay24, Quickpay, Megacom терминалдары аркылуу. Банктык кызматтар бөлүмун тандап,  Бакай Банкты табасыз, төлөө эсебин киргизип сумманы жазасыз.
• Бакай Банктын жеке Cash-In терминалдары аркылуу.

Мобилдик банкинг

Жеке жактар, Бакай Банктын карттарынын ээлери, маяналары Бакай Банктын картына түшкөндөр Bakai24 тиркемесин колдонсо болот. Ал аркылуу:

• Коммуналдык кызматтарды, интернет, ТВ, мобилдик байланышты төлөө
• Клиринг жана гросс системалары аркылуу Бакай Банктагы эсептерге жана башка банктардын эсептерине акча которуу
• Өз эсептерди, депозиттерди, кредиттерди көзөмөлдөө
• Өз карттар жана эсептер арасында которууларды жүргүзүү
• Салык, айып пул, кредит төлөө
• Баланс жана О!Деньги, Элсом жана Megapay капчыктарын толтуруу
• Төлөмдөрдүн тарыхын кароо
• Рекламалык кызматтарды, онлайн-оюндарды, чет элдик провайдерлердин кызматтарын, такси кызматтарын жана жеткирүү кызматтарын төлөө
• Мектеп жана бала бакча, ЖОЖ үчүн төлөмдөрдү жургүзүү жана кайрымдуулук уюмдарына каражат которуу

Бизнес үчүн интернет-банкинг

Юридикалык жактар төмөнкүлөрдү жүргүзө алышат:

• Банктар аралык төлөмдөрдү жүргүзүү;
• Клиринг системасы боюнча улуттук валютада төлөм жүргүзүү;
• Гросс системасы боюнча улуттук валютада төлөм жүргүзүү;
• SWIFT системасы боюнча чет элдик валютада төлөм жургүзүү;
• Валютлардын конвертациясын жургүзүү;
• Эсеп боюнча маалыматтарды: калдык, 3 айга чейинки көрсөткүчтөрдү кароо;
• Банкта төлөм документтеринин иштелип чыгуу баскычтарынын бардыгын учурдун убактысы режиминде байкоо салуу;
• Келип түшкөн жана жиберилген төлөм кагаздарын көрүү жана чыгаруу мүмкүнчүлүгү бар.

Бизге жазыңыз же болбосо кеп-кеңеш үчүн азыр чалсаңыз болот! 

6111 (мобилдик телефондордон)

+996 312 61 00 61