Bakai Bank BIFF 2025те: технологиялар, финтех жана коомду колдоо — баары бир иш-чарада

Bakai Bank — Кыргызстандын финансы секторунун негизги катышуучуларын чогулткан BIFF 2025 форумунун өнөктөшү болду. Банк технологиялык кызматтарды сунуштап, бизнес-коомчулук менен диалогду күчөтүп, кайрымдуулук демилгесине колдоо көрсөттү.

BIFF 2025 — өлкөнүн финансы тармагындагы алдыңкы эксперттер менен адистерди бириктирген маанилүү платформа. Форумдун алкагында Bakai Bank өнөктөш катары гана эмес, технологиялык жана социалдык күн тартибинин активдүү катышуучусу катары да чыгып, санариптик чечимдерди жайылтууга жана туруктуу өнүгүүгө кошкон салымын көрсөттү.

Bakai Bankтын форумдагы негизги активдүүлүктөрү:

• Картомат: катышуучулар ошол эле жерде Bakai Pay төлөм стикерин алып, дароо контактсыз төлөмдү колдоно башташты;
• Мобилдик кеңсе: коноктор карталарды ачып, кеңештерди алып, банк кызматтары жана өнүмдөрү менен тааныша алышты;
• Bakai Bank & Visa кофепойнт: түшкөн каражат толугу менен «Элим, барсыңбы?» кайрымдуулук фондуна багытталды.

Ишкердик программада Bakai Bankтын санариптик өнөктөшү XRuby компаниясынын негиздөөчүсү жана башкы директору Андрей Макаров сөз сүйлөдү. Ал банк менен болгон кызматташтыктын практикалык тажрыйбасы менен бөлүшүп, финтех тармагындагы санариптик трансформациянын чакырыктары жана мүмкүнчүлүктөрү жөнүндө айтып берди.

Бул форум — технологияларды көрсөтүүчү гана эмес, түз баарлашуу, идея алмашуу жана банктар, кардарлар жана өнөктөштөр ортосунда ишенимдүү мамиле түзүүчү маанилүү аянтча болду.

Bakai Bank — маанилүү чечимдер кабыл алынып, өзгөрүүлөр башталган жерден эч качан алыстабайт. Анткени биз чыныгы баалуулуктар үчүн иштейбиз, чындап маанилүү нерселер үчүн барбыз.