Bakai Bank Кыргызстандын эң ири IT-форуму — KIT Forum 2025 алкагында өткөрүлгөн, өлкөдөгү башкы технологиялык сыйлык — KIT AWARDS 2025тин "Бизнес үчүн ЖИ" номинациясында жеңишке жетти.

30-майда Бишкек шаарында KIT Forum технологиялык форумунун алкагында KIT AWARDS 2025 жеңүүчүлөрүн сыйлоо аземи өттү. Бул иш-чара 3000ден ашуун катышуучуну, 10 өлкөдөн келген 60тан ашык спикерди, ондогон панелдик талкууларды жана билим берүүдөн тартып бизнеске чейинки ар кандай тармактарда инновациялар, санариптештирүү жана жасалма интеллектти колдонууга арналган презентацияларды камтыды.

"Бизнес үчүн ЖИ" номинациясында Bakai Bank чакан жана орто бизнести колдоо максатында иштелип чыккан интеллектуалдык санариптик жардамчы — BusinessGPT долбоору менен жеңишке жетти. Бул чечим ишкерлерге диалог форматында кеңештерди, сунуштарды жана керектүү маалыматтарды алуу мүмкүнчүлүгүн берип, финансылык кызматтар менен иштешүүнү кыйла жеңилдетет.

BusinessGPT — бул жөн гана технология эмес. Бул — биздин өлкөнүн ишкерлик чөйрөсүн өнүктүрүүгө кошкон салымыбыз. Биз ЖИ ишкерлер үчүн чыныгы өнөктөш боло алат деп ишенебиз. Ал эми коомчулуктун жакшы кабыл алуусу — өсүү үчүн маанилүү чекит болуп саналат.

KIT Forum өлкөнүн эң ири технологиялык аянтчасына айланып, АКШ, Германия, Жапония, Казакстан жана Кыргызстандан келген эксперттерди чогултту. Форумда билим берүү, финтех, мамлекеттик сектор, GameDev жана стартап-индустрия сыяктуу тармактарда жасалма интеллектти колдонуу темалары талкууланды.

Bakai Bankтын бул жеңиши — банктын санариптик инновациялар багытындагы лидерлигин жана ЖИ технологияларын банк кызматтарына интеграциялоо боюнча туруктуу стратегиясын дагы бир жолу тастыктады.

Bakai Bank — каржы тармагында гана эмес, технологияда да алдыда!