Ысык-Көлдөгү Bakai Business Forum: сатуулар, маркетинг жана практикага өзгөчө басым.

14–15-июнь күндөрү Ысык-Көлдүн жээгиндеги Baytur конференц-залында Кыргызстан, Россия жана Казакстандан келген алдыңкы эксперттерди, ишкерлерди жана конокторду чогулткан ири бизнес-иш-чара — Bakai Business Forum болуп өттү.

Bakai Bank форумдун титулдук өнөктөшү катары ишкердикти кеңейтүүгө жана башкаруу көндүмдөрүн өнүктүрүүгө умтулган катышуучулар үчүн диалогго, тажрыйба алмашууга жана шыктанууга аянтча түздү.

Эки күндүк форум эки негизги теманы камтыды:

• 14-июнь сатууларга арналды — ишкерлер конверсияны жогорулатуу, натыйжалуу сатуу бөлүмдөрүн түзүү жана кардарлар менен жекече иштөө үчүн зарыл болгон практикалык инструменттерге ээ болушту.
• 15-июнь маркетинг жана лидерликке багытталды — масштабдоо стратегиялары, жеке жана корпоративдик бренд түзүү, ошондой эле өзгөрүүлөр жана санарип доорунда жетекчилик көндүмдөрдү өнүктүрүү маселелери талкууланды.

Bakai Business Forum — бул өз натыйжалуулугун иш жүзүндө далилдеген чыныгы кейстер жана стратегиялар. Форум ар кыл тармактардагы ишкерлерди, топ-менеджерлерди жана адистерди, ошондой эле жакынкы чет өлкөлөрдүн уюмдарынан келген өкүлдөрдү бириктирди. Катышуучулар баяндамачыларды гана угуп тим болбостон, суроолорду берип, идеяларды талкуулап, жаңы өнөктөштөрдү да таба алышты.

Жандуу баарлашуу форматы жана практикалык мазмуну форумду жылдын эң эсте каларлык бизнес-иш-чараларынын бирине айлантты.

Bakai Business Forum күчтүү чөйрө, жаңы көз караш жана реалдуу инструменттер — заманбап бизнестин өсүшү жана өнүгүшү үчүн негиз экенин дагы бир жолу тастыктады.