Bakai Bank колдонууга оңой жана ыңгайлуу Bakai Kassa санариптик чечимин ишке киргизди! Эми ар бир ишкер кассаларды, сатуучуларды жана сатууларды түздөн-түз Bakai Business мобилдик тиркемеси аркылуу башкара алат. Баары жеткиликтүү жана ыңгайлуу: тез, коопсуз жана ашыкча кагаз түйшүгү жок.

Эгер сизде кафе, дүкөн, тейлөө борбору же башка сатуу түйүнү бар болсо, мындан ары кымбат жана татаал кассалык жабдууларды орнотуунун кажети жок. Сиздин смартфонуңуз эми толук кандуу кассага айланат!

Bakai Kassa эмнелерди аткара алат?

• Соода түйүндөрүн башкаруу: Филиалдарыңызды, дүкөндөрүңүздү оңой кошуп, түзөтүп же убактылуу өчүрө аласыз.
• Кассирлерди көзөмөлдөө: Кызматкерлерге кирүү мүмкүнчүлүгүн оңой дайындап, алардын аракеттерин толук көзөмөлдөй аласыз.
• Терең отчеттор: Күндөр, кассалар, соода түйүндөрү жана төлөм түрлөрү боюнча деталдуу отчетторду алыңыз. Баарын Excel же PDF форматында заматта жүктөп алууга болот.
• E-mail аркылуу автоматтык билдирүүлөр: Отчетторду электрондук почтаңызга автоматтык түрдө алуу функциясы менен ар дайым кабардар болуңуз.
• Коопсуздук жана көзөмөл: Модулга кирүү мүмкүнчүлүгү ар бир кызматкер үчүн жекече жөнгө салынып, маалыматтарыңыздын коопсуздугун камсыз кылат.

«Бизнестин ээси үчүн сатууну да, кызматкерлерди да толук көзөмөлдөө канчалык маанилүү экенин билебиз. Ошондуктан Bakai Kassa — бул ишкерге ыңгайлуулукту жана толук айкындуулукту берген мыкты чечим», — деп белгилешет Bakai Business командасы.

Эми кассалык операцияларды жүргүзүү үчүн терминал же штаттык бухгалтердин кереги жок. Бардык керектүү нерсе — бул Bakai Business интернет-банкына (мобилдик же web-версиясы) кирүү мүмкүнчүлүгү, ошондо сиз бизнесиңизди дүйнөнүн каалаган жеринен башкара аласыз.

Bakai Kassa — бул Кыргызстандагы чакан жана орто бизнестин санариптик келечегине карай жасалган маанилүү кадам.